„ეკოსისტემა და გარემოსდაცვითი საკითხები ჩვენს ცხოვრებაში“ - ამ თემაზე, კაჭრეთში, კოლეჯში „აისი“ ტრენინგი გაიმართა.

ტრენინგი იაპონიის საერთაშორისო თანამშრომლობის სააგენტოს (JACA) მოხალისეების ორგანიზებით ჩატარდა.

JACA-ს მოხალისემ, კაო აკიამამ, რომელიც ბორჯომ-ხარაგაულის ეროვნულ პარკში გარემოსდაცვით პედაგოგად მუშაობს, კოლეჯის სტუდენტებთან და მასწავლებლებთან ერთად, სახალისო თემატური თამაშები მოაწყო.

ტრენინგის მიზანს წარმოადგენდა გარემოსდაცვითი საკითხების შესახებ ცოდნის გაღრმავება.