საქართველოს დამოუკიდებლობის დღე კოლეჯმა „აისი“ ზუგდიდში აღნიშნა.

საზეიმო ღონისძიებების ფარგლებში, ზუგდიდის ცენტრალურ მოედანზე მოწყობილ სივრცეში, პროფესიულ სასწავლებელს გამოფენილი ჰქონდა კოლეჯის სტუდენტების მიერ დამზადებული სხვადასხვა ნაწარმი: ღვინო; ჯემები, მურაბები, მარინადები, ხილის ნექტარი; თექა; კერამიკა; ხის ნაკეთობები. მოეწყო მასტერკლასები ჩათელვასა და დაჩითვაში. პროფესიული საგანმანათლებლო პროგრამა - კულინარიის ხელოვნების სტუდენტები სტუმრებს საკუთარი ნახელავით გაუმასპინძლდნენ. დამსწრე საზოგადოებისთვის ადგილზე მომზადდა კახური ტრადიციული კერძები.

ზუგდიდში, საქართველოს დამოუკიდებლობის დღისადმი მიძღვნილი ღონისძიება, საქართველოს განათლების, მეცნიერებისა და ახალგაზრდობის სამინისტროს ორგანიზებით გაიმართა.